Берзанските цени на струјата паѓаат и несериозно е некој да понуди на компаниите цена од 500 евра за мегават час за следната година. Ова е ставот на вицепремиерот Фатмир Битиќи околу реакциите на компаниите кои побараа и помош од владата бидејќи снабдувачите ги раскинуваат договорите и им нудат нови на шест месеци со кои бараат авансно да платат по 500 евра за мегават час струја. Битиќи нема конкретен одговор дали и како државата ќе им помогне на компаниите. Вели до нив не стигнало никакво барање.