Милорад Додик, српскиот член на Претседателството на Босна и Херцеговина, синоќа во кафуле со сопартијци и пријатели ги „прослави“ новите санкции што му ги воведоа САД.

Само неколку часа откако САД ја проширија листата на претходно воведени санкции, членот на Претседателството на Босна и Херцеговина, Милорад Додик, пееше во локално кафуле со пријателите и сопартијците.

Сојузот на независни социјалдемократи на Додик на својот Твитер профил објави видео од „прославата“.

🎵🎶 Али метар НАШЕГ села, Америка цела❗@KovacevicRaso @BursacNovakovic @DenisSulic pic.twitter.com/TjJnH0bwJz

— СНСД (@SNSDDodik) January 5, 2022

„Америка, Америка, голема земја, но еден метар од моето село – Америка цела“, се пееше со хармоника на масата на Додик.

Според порталот Нова.рс, на прославата присуствувале претседателката на Република Српска Жељка Цвијановиќ, советникот на Додик Радован Ковачевиќ, директорот на УЦК на Република Српска Владо Ѓајиќ, претседателот на Домот на народите на Парламентот на БиХ Никола Шпириќ, претседавачот на Советот на министри на БиХ Зоран Тегелтија и претседателката на клубот СНСД во Претставничкиот дом на Парламентот на БиХ, Сњежана Новаковиќ Бурсац.

Соединетите Американски Држави ја проширија листата на санкции поврзани со дела поврзани со корупција ширум светот, а сега ги вклучуваат Милорад Додик, Милан и Тијана Тегелтија и Алтернативна телевизија од Бања Лука.