Претседателката на Европската комисија, Урсула фон дер Лајен, на Твитер сабајлево порача дека ќе предложи да се забранат летовите од југот на Африка кон Европа.

Предлогот доаѓа откако се појави нова потенцијално опасна мутација на вирусот Ковид-19 откриена во Јужна Африка.

„Европската комисија ќе предложи, во блиска координација со земјите членки, да се активира итната суспензија на авиотранспорт од јужноафриканскиот регион поради загрижувачкиот сој Б.1.1.529“, напиша утрово фон дер Лајен на Твитер.