Едно лице е убиено, а 14 се ранети во престрелка што се случи во синоќа во градот Колиервил, недалеку од Мемфис во американската држава Тенеси. Од повредените најмалку четири лица се во тешка состојба. Напаѓачот, според полицијата, починал од повредите што си ги нанел со огнено оружје, но тоа се уште се истражува. Пукањето се случило во супермаркетот Крогер, соопшти локалната градска управа. Од полицијата велат дека ги нашле работниците на Крогер како се кријат во фрижидери и канцеларии. Веднаш по инцидентот беше затворено и блиското средно училиште.