Поради непочитување на здравствените протоколи кафулето „ Интермецо“ , во Капиштец, синоќа е затворено од Пазарниот инспекторат. Како што велат од таму , несоодветното растојание на кое била поставена бината, на која настапувал ди-џејот Роџер Санчез и преполнетиот објект со гости, се причините за затворањето. За случајот е направен записник, а решението со кое се придвидуваат казни ќе биде изготвено утре. Овој локал и лани беше на удар на Пазарниот инспекторат поради непочитување на протоколите и доби кривична пријава од Општина Центар, а Обвинителството предложи да биде казнет со 5000 евра.