САД внимателно ги следат извештаите дека мировници од предводената од Русија Организација за Договор за колективна безбедност се стационирани во Казахстан за да ги смират немирите во државата, изјави портпаролот на Стејт департментот Нед Прајс.

Генералниот секретар на ОДКБ изјави за руски медиуми дека бројот на мировни сили ќе биде околу 2.500 и може да биде зголемен доколку е потребно.

Вашингтон и целиот свет ќе следат какви било прекршувања на човековите права и „секакви дејствија што може да се подготват за преземање на институциите во Казахстан“, нагласи Прајс.