Српските власти на чекор да воведат антигенски тестови за учениците. Идејата е на овој начин, два пати неделно да ја скенираат ковид-состојбата во училиштата, со цел да спречат локална трансмисија на вирусот. Во моментот во Србија, 0,5 отсто од учениците следат онлајн настава. Состојбата засега не е алармантна, потенцира српскиот министер за образование, наука и технолошки развој, Бранко Ружиќ, но во случај 10 проценти од одделението да е заразено, сите деца наредните 10 дена ќе се префрлат на онлајн-настава. Во Германија, чиј пример го следат за антигенските тестови, овој процент во моментот изнесува 20.