Украинскиот министер за надворешни работи Дмитро Кулеба на Твитер наведе дека одлука за Украина нема да се донесе без Украина.

Најавувајќи дека ќе отпатува за Брисел на 10 јануари на состанокот на Комисијата НАТО-Украина, Кулеба изјави дека средбата е дел од широките дипломатски напори за спречување на понатамошна „руска агресија“.

По руското воено утврдување на границата со Украина во последните месеци, тензиите меѓу Западот и Москва се зголемија, а беа упатени и повици за намалување на тензиите.

Белата куќа соопшти дека безбедносните преговори меѓу САД и Русија за Украина ќе започнат на 10 јануари, а генералниот секретар на НАТО Јенс Столтенберг најави дека состанокот на Советот НАТО-Русија ќе се одржи на 12 јануари.

Наведено е дека и министрите за надворешни работи на земјите-членки на НАТО ќе се сретнат на вонреден состанок во петок, 7 јануари, на кој ќе разговараат за случувањата во врска со воените активности на Русија на границата со Украина.