Агенцијата за аудио и аудиовизуелни медиумски услуги започнува со секојдневен мониторинг на медиумското известување пред стартот на изборната кампања за Локалните избори 2025, закажани за 19 октомври.

Се следи усогласеноста со Изборниот законик, особено кај деветте телевизии со најголем дневен досег, додека останатите ќе се следат по претставки.

АВМУ потсетува дека медиумите мора да известуваат објективно и непристрасно, без да фаворизираат политички субјекти преку извештаи за активности на државни и јавни институции.

Забрането е емитување политички реклами или кампањи финансирани од Буџетот до почетокот на изборната кампања, освен огласи за собирање потписи.

Радиодифузерите кои ќе емитуваат платено политичко рекламирање имаат рок до 12 август за регистрација во ДИК, а до 14 август за доставување на ценовници до релевантните институции.