Агенцијата за аудио и аудиовизуелни медиумски услуги најостро ја осудува изјавата на претседателот на политичката партија СДСМ, Димитар Ковачевски со која обвини медиуми дека самите се продале и уште сега се продаваат“ и се ставаат во функција на една политичка партија.

Политичарите треба да бидат свесни за одговорноста што ја имаат и наместо да се служат со непримерна комуникација треба да покажат највисоко ниво на почитување на новинарската професија и на еден од клучните столбови на демократијата – медиумите, се вели во реакцијата на АВМУ.

Од таму додаваат дека етикетирање на медиуми, особено во чувствителни периоди како предизборните, негативно се одразува на слободата на изразување и го нарушува достоинството на медиумските работници,.

Потсетуваат дека е неопходно да се почитуваат стандардите и ги повикуваат политичарите да се воздржат од употреба на јазик со којшто се дискредитираат медиумите и медиумските работници.