Службите за итни случаи во јужен Еквадор објавија дека 11 лица загинале, а најмалку 20 други биле повредени, откако автобус паднал во клисура по што се запалил.

Надлежните изјавија дека повредените се евакуирани во Куенка, најблискиот град и таму им е укажана медицинска помош.

Властите ги истражуваат причините за несреќата.

Сообраќајните несреќи се чести на патиштата во Еквадор. Според официјалните бројки, на почетокот на 2026 година се регистрирани 1.595 несреќи, што резултирало со 206 смртни случаи.