Бројот на загинати во разорните земјотреси во Венецуела се искачи на 3.342, соопшто министерството за информации во Каракас.

Во серијата потреси се повредени 16.470 луѓе, додека 17.345 лица останаа без кров над глава, пренесува „Ројтерс“.

Венецуела на 24 јуни беше погодена од два последователни земјотреса со јачина од 7,2, односно 7,5 степени по Рихтер што се случија во период од само 39 секунди. Најтешко погодена беше крајбрежната држава Ла Гваира, како и главниот град Каракас.

По двата катастрофални земјотреса, Венецуела ја погодија над 600 потреси, главно со слаб интензитет од кои еден беше со јачина од 4,6 степени според Рихтеровата скала.