Истражувачот, публицист и поет проф. д-р Севдаил Демири и писателот Ресул Шабани се годинешните добитници на државната награда „22 Ноември“ за 2025 година. На добитниците, наградата им беше доделена денеска во Кристалната сала на Собранието.

Кажано е и запишано дека на почетокот беше зборот, но зборот ќе го уништеше секој историски потрес без разлика на неговата тежина, неговата порака или на неговата мисија. За да не се случи ова големо зло за народите погрижија корифеите на нациите како што имавме среќа и ние Албанците, истакна Ресул Шабани, добитник на наградата „22 Ноември“.

• Ова признание претставува силен симбол на албанскиот идентитет. Оние што ме познаваат знаат дека никогаш во животот не сум побарал или посакал признание или награди. Тие секогаш дошле како оценка од луѓе кои знаат да ја вреднуваат трудољубивоста и посветеноста, рече д-р Севдаил Демири, добитник на наградата „22 Ноември“.