Скоро пола економија од државата се „врти“ во главниот град, најсиромашно во Кумановскиот Североисточен регион, а најмало по жител БДП има во Полошкиот регион

Дејан Дејан

/

пред 2164 дена

Сподели преку :

Според статистиките на Државниот завод, од државниот БДП за 2019-та 689.425 милиони денари или околу 11,2 милијарди евра (курс на евро 61,5 денари).

Богатсвото и натаму се таложи и произведува во Скопје. Скопскиот регион со 43,2 отсто има најголемо учество во бруто-домашниот производ (БДП) на државата во 2019 година, а Североисточниот регион (Куманово, Крива Паланка, Липково и Кратово) со 4,8 отсто – најмало.

На второ место е Битолскиот односно Пелагонискиот регион со 11, 3 % од државното БДП, а над милијарда евра се произведени само уште во Струмичкиот –Југоисточен регион.

Вардарски 54.913.000.000 денари 8.0 % од БДП
Источен 55.970. 000.000 денари 8.1% од БДП
Југозападен 56.848.000.000 денари 8.2% од БДП
Југоисточен 61.747.000.000 денари 9.0% од БДП
Пелагониски 78.146.000.000 денари 11.3% од БДП
Полошки 51.136.000.000 денари 7.4% од БДП
Североисточен 33.035.000.000 денари 4.8% од БДП
Скопски 297.628.470.000 денари 43.2% од БДП

Што се однесува до БДП по жител, според податоците на Државниот завод за статистика, поголем бруто-домашен производ по жител од просечниот (на државно ниво) имаат Скопскиот регион и тоа за 41,8, Вардарскиот за 9,0, Југоисточниот за 7,5 и Пелагонискиот регион за 3,5 отсто. Сите други региони имаат потпросечен бруто-домашен проивод.

Во оваа категорија најлошо стои Полошкиот (Тетовско-гостиварскиот) регион каде по жител БДП изнесува повеќе од двојно помалку од просекот (52, 3 % помал од просечниот БДП по жител.

Просечниот Бруто домашен производ по жител во 2019-та, според статистиките на ДЗС изнесува 331.982 денари односно околу 5.400 евра.

Во 2019 година, во Република Северна Македонија се реализирани 146 078 милиони денари инвестиции во основни средства, што е за 10.3% повеќе во однос на 2018 година. Најголемо учество во вкупните бруто-инвестиции во основни средства во 2019 година и понатаму има Скопскиот Регион со 50.9%, додека најмало е учеството на Североисточниот Регион со 4.6%.

Споредено со 2018 година, пораст на инвестициите во основни средства е забележан во Североисточниот Регион (54.3%), Источниот Регион (23.5%), Југоисточниот Регион (23.0%), Полошкиот (15.9%), Југозападниот Регион (12.4%), Вардарскиот Регион (12.0%) и Скопскиот Регион (7.4%). Намалување на инвестициите во основни средства е забележано во Пелагонискиот Регион (15.0%).