Турскиот претседател Реџеп Тајип Ердоган му порачал денеска на иранскиот претседател Масуд Пезешкијан, во телефонски разговор, дека израелскиот премиер Бенјамин Нетанјаху се обидува да го запали Блискиот Исток и да ги саботира преговорите за нуклеарна спогодба преку нападите врз Иран,се наведува во соопштението од кабинетот на турскиот претседател.

Во соопштението се истакнува дека Ердоган рекол дека нападите на Израел врз Исламската Република имаат за цел да го одвлечат вниманието од дејствијата на израелската армија во Појасот Газа, кои тој ги нарекол „геноцид“.