EСМ реагира дека компанијата продава само ноќни вишоци електрична енергија, кои остануваат во периодот 02-07 часот и кои произлегуваат од работењето на термоелектраните во најнизок режим на одржување во текот на ноќта, до засилено производство на почетокот на денот.

„Цените на таа ноќна енергија се движат од 250 до 320 евра за мегават час.  Ноќната енергија нема врска со базната и пиковата енергијата чии цени достигнуваат до 700 евра, односно тоа се различни работи. Купувачи на ноќните вишоци се сите стопански субјекти кои имаат потреба од струја во текот на ноќта или трговци со струја“ – се вели во реакцијата на компанијата.

АД ЕСМ работи максимално, согласно моменталните капацитети и ресурси, и целосно ги задоволува потребите на граѓаните и малите потрошувачи, за кои и има законска обрска,  додава компанијата.