Малопродажната цена на бензинот Еуросупер БС-95 од полноќ се зголемува за еден денар, а на бензинот Еуросупер БС-98 за денар и половина по литар, соопшти Регулаторната комисија за енергетика.
За еден денар поскапува и Еуродизел (Д-Е V), а за денар и половина и Екстра лесното масло за домаќинство (ЕЛ-1).
Литар Еуросупер БС – 95 од утре ќе се продава за 80 денари за литар, Еуросупер БС – 98 за 82,50, Еуродизел БС (Д-Е V) за 81,50 и Екстра лесното 1 (ЕЛ-1) за 81,00 денари.
Се зголемува и малопродажната цена на Мазутот М-1 НС за 0,176 денари и еден килограм ќе чини 39,459 денари.
