Брзо движечки шумски пожар, предизвикан од силни ветрови, беснееше во текот на ноќта и на јужниот грчки остров Крит, предизвикувајќи евакуација на повеќе од 1.500 луѓе од хотели и домови. Противпожарната служба соопшти дека 230 пожарникари, поддржани од 10 авиони за фрлање вода, се борат со пламените јазици кои горат низ шумите и обработливото земјиште на јужниот брег на островот.

„Две лица беа евакуирани со брод преку ноќ, додека шест приватни бродови беа во состојба на готовност во случај да бидат потребни дополнителни евакуации по море“, соопшти Крајбрежната стража.

Засега нема информации за повредени, велат во соопштението од службата за цивилна заштита, посочуваат дека пожарот тешко се локализира.

„Ова е исклучително тешка ситуација. Пожарот е тешко да се локализира. Пожарникарите и припадниците на службата за цивилна заштита издадоа предупредување преку мобилни телефони за евакуација и ги повикаа жителите да не се враќаат од страв за својот имот“, изјави Нектариос Пападакис, службеник за цивилна заштита.

Шумските пожари се чести во земјата за време на топлите, суви лета, а противпожарната служба веќе се справи со десетици низ Грција досега оваа година.