Пратеничката група е компактна, нема разијдувања, тврдат од коалицијата „Европски фронт„, по вчерашната најава на вицепремиерот Меџити, дека наскоро ги очекуваат поголеми потреси во коалицијата.Тврдат и дека, Мендух Тачи, кој деновиве излезе од таканаречениот фронт, се` уште не им најавил дека во Собранието ќе дејствува надвор од пратеничката група.

Од ДУИ не се откажуваат од повиците до „Вреди„ да излезат од власта и да се приклучат кон опозицискиот фронт. Но, од  владејачката коалиција му порачуваат првин да си ги среди работите дома.

Од „Вреди„ не сакаат да ја коментираат одлуката на Тачи да излезе од опозицискиот фронт, но тврдат дека засега немал никакви разговори со нив, за да се приклучи кон владејачката коалиција.

Далиборка Демјанска