Остануваме целосно посветени на тоа да видиме демократска Србија во ЕУ. Можете да сметате на нашата поддршка, рекоа претседателите на Европската комисија и на Европскиот совет, Урсула фон дер Лајен и Антонио Кошта, по средбата со српскиот претседател Александар Вучиќ.

Фон дер Лајен и Кошта на социјалната мрежа Икс објавија оти разговарале со Вучиќ за важноста од забрзување на реформите, особено во областите на владеењето на правото и слободата на медиумите.

-Нагласивме дека проширувањето е геостратешки императив, како и потребата Србија повеќе да се усогласи со надворешната и безбедносната политика на ЕУ. Исто така, ги поздравивме чекорите на Србија за диверзификација на изворите и рутите за снабдување со енергенси и за намалување на зависноста од Русија, чија несигурност е постојано демонстрирана, објавија Фон Дер Лајен и Кошта.

Good to meet together with @avucic to take stock of Serbia’s progress on its EU path.

We discussed the importance of accelerating reforms, in particular in the areas of rule of law and media freedom.

We stressed that enlargement is a geostrategic imperative and the need for… pic.twitter.com/O3k64Gs3Fa

— Ursula von der Leyen (@vonderleyen) December 10, 2025