Хрватската војска одржа генерална проба пред големата воена парада што ќе се одржи во денеска во Загреб, по повод 30-годишнината од Операцијата „Бура“, која го означи крајот на војната за независност од 1991–1995 година.

На парадата ќе учествуваат околу 3.400 припадници на вооружените сили, полицијата, спасувачки и пожарникарски служби, како и ветерани, придружени од 40 воздушни летала.

Главните атракции на парадата ќе бидат германските тенкови „Leopard 2A6“, за кои Хрватска склучи договор со Германија во 2024 година, француските борбени авиони „Rafale“ и турските борбени дронови „Bayraktar“.

Парадата ја одбележува успешната офанзива на хрватската војска во август 1995 година, со која беа преземени територии под контрола на српските сепаратисти, поддржани од Србија и босанско-српските сили.

Настанот се одржува во време на засилена милитаризација низ Европа.

Хрватска, членка на НАТО од 2009 и на ЕУ од 2013 година, вложува во модернизација на армијата по години на занемарување.

Освен „Rafale“ авиони и „Leopard“ тенкови, земјата набавува и „HIMARS“ артилериски системи од САД, а годинава започна и повторно воведување на задолжителна воена обука во траење од два месеци.