Музејот на писанки во Лвив, овие денови е во центарот на вниманието, нудејќи увид во богатата традиција на украсување велигденски јајца, познати како писанки.

Колекцијата брои над 12.000 уникатни примероци, изработени од различни материјали и во различни техники, а меѓу нив има и примероци стари неколку векови.

Познатата уметница Вира Манко со децении ја негува оваа традиција, создавајќи илјадници писанки и одржувајќи работилници за нови генерации.

Таа објаснува дека украсувањето се врши со посебна техника со восок и бои, при што секој симбол – како ѕвезди, крстови или мотиви за плодност – има длабоко значење и потекнува од древни верувања.

Писанките имаат корени стари илјадници години и се поврзуваат со симболиката на животот и обновата, а во христијанството и со воскресението.

Денес, оваа традиција не е само уметност, туку и духовен ритуал, кој се практикува за време на Велигден, со верување дека позитивните мисли вложени во изработката носат благосостојба и среќа.