Српската полиција и армиски единици спроведуваат обемна акција во општина Кањижа, каде што се пронајдени сомнителни предмети во близина на гасовод.

Акцијата ја води Управата за криминалистичка полиција со поддршка на Воената полиција и други армиски сили.

Според медиумските извештаи, пребарувањето се одвива во реоните на селата Велебит, Трешњевац и Војвода Зимоњиќ.

Во операцијата се вклучени околу 140 припадници, а неколку патишта во општината се блокирани додека трае истрагата.

Теренот се пребарува со комбинирани методи, вклучително и хеликоптери, дронови и термички камери, додека надлежните служби продолжуваат да ги утврдуваат околностите и потенцијалната закана за гасната инфраструктура.