Во Хрватска е изборен молк пред вториот круг од претседателските избори, закажани за утре. Анкетите му даваат предност на актуелниот претседател Зоран Милановиќ кој се бори за втор мандат, пред неговиот против-кандидат Драган Приморац.

Според последната анкета на Ер-те-ел во пресрет на гласањето, Милановиќ го поддржуваат 62,5 отсто од гласачите, додека Приморац би добил 27,8 отсто од гласовите.

Проценките на порталот „Индекс“ се дека Милановиќ сега би требало да освои осум отсто повеќе гласови, а Приморац седум отсто помалку отколку во декември.

Во првиот круг што се одржа на 29-ти декември, Милановиќ, кандидат на опозициската Социјал-демократската партија освои 49,7% од гласовите, додека за Приморац гласаа 19,6 отсто од гласачите.