Летовите од сите ирански аеродроми се откажани од вечерва во 21 часот до утре изутрина во 6 часот по локално време, јавија иранските државни медиуми.

Летовите се суспендирани поради операционални рестрикции, се зборови на портпаролот на иранската Организација за цивилна авијација, пренесуваат медиумите.

Иран воведе ограничување на летови и во вторникот, кога лансира ракети кон Израел чие раководство, пак, најави дека ќе возврати на нападот.

Веќе се месеци се присутни стравувања во јавноста од иранска одмазда за Израел поради убиството на политичкиот лидер на Хамас, Исмаил Ханиа во Техеран.

Израелскиот премиер Бенјамин Нетанјаху рече дека Иран ќе плати за лансираните ракети кон неговата земја. Иранскиот лидер, пак, ајатолахот Али Хамнеи застана во одбрана на постапките на Техеран, порачувајќи дека Иран повторно ќе нападне, ако Израел одговори.