Француската полиција ја прошири истрагата за сексуално насилство и злоставување во училиштата во Париз, откако беше продолжен притворот за 16 вработени за време на процесот на испитување.

Осомничени, на возраст од 18 до 68 години, работеле во државното основно училиште Сен Доминик во 7-от париски арондисман, а истражиталите ги испитуваат поради сомнежи за силување и други насилни или непримерни однесувања кон деца.

Париското државно обвинителство објави дека истрагата сега се проширува и однесува на можни случаи на насилство и во дури 84 градинки и 20-тина училишта. Од почетокот на оваа година се суспендирани 78 вработени во градски установи, меѓу нив 31 поради сомненија за сексуални насилства.

Аферата дополнително ескалира по објавата на весникот „Паризиен“ кој откри дека учител против кого во 2025 година било подигнато обвинение за сексуално злоставување на тројва малолетници, година дена претходно бил приведен поради слични пријави од други училишта.