Иран и Пакистан свикаа итен состанок на министрите за надворешни работи на членките на Организацијата за исламска соработка, кој ќе се одржи во Саудиска Арабија.

Средбата е свикана поради убиството на лидерот на Хамас, Исмаил Ханија, во Техеран.

Состанокот, кој ќе се одржи во крајбрежниот град Џеда, „ќе се фокусира на злосторствата на израелската окупација и атентатот на Ханија“, се вели во соопштението на Организацијата за исламска соработка.

Иранското Министерство за надворешни работи соопшти дека Иран побарал состанок заедно со Пакистан.

Организацијата, кој има 57 исламски членки, се претставува како глас на муслиманскиот свет.

За разлика од Арапската лига, таа вклучува и влијателни неарапски држави, како Иран, Пакистан и Турција.