Три автобуси и комбе во сопственост на приватна фирма изгореа ноќеска околу 02:30 часот во близина на бензинска пумпа во населбата Оризари во Кочани, информира министерството за внатрешни работи (МВР).

Од МВР додаваат дека пожарот бил изгаснат од припадници на Територијалната противпожарна единица Штип и, за среќа, нема повредени лица.

Во текот на денот, екипа на ОВР Кочани ќе изврши увид на местото на настанот, со цел да се утврдат причините за пожарот и евентуалната материјална штета.