Израелските сили започнаа уште една рација на болницата Шифа во градот Газа, обвинувајќи ги милитантите на Хамас дека ја користат како база.

Воениот портпарол на израелските сили, Даниел Хагари, соопшти дека армијата започнала „операција со голема прецизност“ во делови од медицинскиот комплекс.

Тој рече дека високи милитанти на Хамас се прегрупирале таму и ги насочувале нападите од комплексот, без притоа да изнесе докази за ваквите тврдења.

Израелската војска тврди дека милитантите отвориле оган врз нивните позиции од внатрешноста на болницата.

Хагари рече дека пациентите и медицинскиот персонал можат да останат во комплексот и дека е достапен безбеден премин за цивилите да го напуштат.

Израел изврши рација во медицинскиот центар во ноември, откако тврдеше дека Хамас крие голем команден и контролен центар во и под комплексот.