Полицијата ја приведе извршителката Весна Јакимовска откако вчера нападнала полициски службедник додека била на распит во полициската станица во Кичево повикана по пријава за напад врз новинарот Фуркан Салиу.

Од МВР информираат дека Јакимовска го нападнала полицаецот и го уништила службениот материјал, откако синоќа пред полноќ била приведена од полицијата.

Таа, претходно, на улицата „Трајче Стрезоски“ во Кичево физички го нападнала новинарот од Скопје и ја оштетила неговата службена опрема.

По целосно документирање на настанот, против неа ќе биде поднесена соодветна пријава“, се наведува во полициското соопштение.