Илијана Јотова ја презеде функцијата прва претседателка на Бугарија, откако Уставниот суд ги суспендираше овластувањата на Румен Радев по неговата оставка.

Јотова беше потпретседателка од 22 јануари 2017 година и досега работеше со Радев во интерес на граѓаните и во согласност со Уставот.

Таа најави дека ќе ја извршува функцијата со посветеност и одговорност до крајот на мандатот за кој беше избран Радев, односно до јануари 2027 година.

Радев ѝ се заблагодари за професионалноста, а свечено беше испратен од Претседателството.

Според Уставот, Јотова може да се кандидира на новите претседателски избори што се планирани за 2026 година, но засега останува на функцијата до истекот на сегашниот мандат.