Конгресменката Џулија Летлоу, поддржана од американскиот претседател Доналд Трамп, обезбеди пласман во вториот круг од републиканските прелиминарни избори за Сенатот во Луизијана.

Таа го надмина актуелниот сенатор Бил Кесиди, кој во 2021 година гласаше за осуда на Трамп по нападот на Капитол.

Во вториот круг Летлоу ќе се соочи со државниот благајник Џон Флеминг, кој исто така важи за близок соработник на Трамп.

Според американските медиуми, Летлоу освоила околу 45 проценти од гласовите, додека Флеминг и Кесиди воделе тесна трка за второто место.

По објавувањето на резултатите, Трамп изјави дека политичката кариера на Кесиди е „завршена“, потсетувајќи на неговиот глас за импичмент.

Кесиди, пак, порача дека лидерите треба да му служат на народот, а не на поединци, алудирајќи на Трамп без директно да го спомене по име.