Генералот Кит Келог, специјалниот пратеник на Доналд Трамп за Украина и Русија посочи дека Москва ќе мора да направи територијални отстапки за време на мировните преговори со Украина.

Говорејќи на маргините на Минхенската безбедносна конференција, Келог не ги наведе деталите за тоа која територија ќе треба да ја отстапи Русија.

Келог рече дека САД ќе се обидат да ги скршат руските сојузи со Северна Кореја, Иран и Кина, кои се продлабочија откако Русија беше погодена од западните санкции поврзани со војната во Украина.

Тој, исто така, рече дека Европејците можеби нема да бидат физички на маса за време на какви било разговори меѓу Украина и Русија, но нивните интереси ќе бидат земени предвид, и покрај повикот на претседателот Володимир Зеленски, Европа директно да учествува во какви било разговори.

„Тоа не значи дека нивните интереси не се земаат предвид, не се користат, не се развиваат. Тоа значи дека сте на маса, имате способност, имате придонес“, пораќа Келог.