Расните коњи во ЗОО Скопје се отруени со брзоделувачки отров, извести Зоолошка градина Скопје на официјалниот Фејсбук профил.

Резултатите од обдукцијата се доставени во МВР и во Агенцијата за храна и ветеринарство за понатамошно постапување. Поднесена е и кривична пријава, а по сторителот активно се трага и се проверуваат сите снимки од безбедносните камери.

ЗОО Скопје апелира до МВР и Обвинителството да постапат што е можно побрзо со цел санкционирање на сторителот.