Косово во саботата не успеа да избере претседател на новото собрание, процес кој може да ја одведе земјата во продолжена законодавна криза.

Сите партии кои освоија пратенички места на изборите на 9-ти февруари едногласно гласаа за преземање на нивните мандати, отворајќи го патот за избор на нов спикер и заменици спикери.

Левичарското движење „Самоопределување“  освои 48 од 120 пратенички места, што е помалку од потребното мнозинство за избор на нов спикер или самостојно формирање на кабинет.

Во 2021 година, партијата освои 58 места. Кандидатката за спикер, Албулена Хаџиу, беше поразена во две последователни гласања, со 57 гласови, што е помалку од 61 потребни за парламентот со 120 места.

Собранието треба да заседава в понеделник, но без спикер, процедурата за седницата е нејасна, а Уставот не го одредува времето потребно за избор на новиот спикер.