Од првичниот проширен список со 35 ракометари отпаднаа 15. Меѓу 20-те имиња најбројни се играчите на Алкалоид и на Еурофарм Пелистер, двајца членови има новиот шампион Вардар, а единствен интернационалец е голманот Томовски.

Нашиот машки национален ракометен состав наредната недела против Словачка го игра двомечот за пласман на Светското првенство во 2027 година. Селекторот Кирил Лазаров првата прозивка ја закажа за недела во Скопје. Времето за подготовки ќе биде кратко, бидејќи на 14 мај Македонија ѝ гостува на Словачка, реваншот е три дена подоцна во Скопје.