Амбулантата за преглед на мигранти во гевгелиската општа болница ќе се пренамени во дневна болница за пациенти со КОВИД – 19 коишто имаат лесна клиничка слика.  Пунктот ќе биде за пациенти коишто имаат потреба од инфузиона терапија, или пак за прием на тестирани пациенти за коишто се чекаат резултати а покажуваат одредени симптоми. Во дневната болница ќе има шест кревети, а ќе работи медицинска сестра којашто ќе се грижи за пациентите, додека прегледи ќе вршат интернист и епидемиолог. Доктор Сашко Олумчев вели дека есенскиот перод е предизвик и ќе мора да се внимава поради појавата и на други респираторни болести кај граѓаните.

И струмичката општа болница направи пренамена на постоечка амбуланта за прием на новорегистрирани пациенти со корона – вирус. Хриушкаата амбуланта отсега ќе биде во новиот крак, додека просториите ќе служат за пациенти со КОВИД – 19.

Во Струмица и Гевгелија е планирано да се подигнат ковид – болници, но засега нема најава кога ќе почнат со монтажа.

Сузана Мицева