Вработување на толкувачи за глуви лица во државните институции, за да се олесни комуникацијата. Ова го побараа од Здружението „ Млад знак“, од каде рекоа дека во државата има над 7000 глуви лица, за кои има на располагање само 15 активни и 33 лиценцирани толкувачи.

Среќна околност е што постои интерес за изучување на знаковниот јазик , што дава надеж дека проблемот со толкувачите ќе биде надминат, но државата треба да покаже интерес да ги ангажира, порачаа од „ Млад знак“, одбележувајќи ја Неделата на знаковниот јазик.

• Најголем проблем ни е комуникацијата. Најголема бариера е свесноста на институциите , да ни излезат во пресрет , да има толкувачи на знаковен јазик . Затоа што без толкувачи , едноставно не можеме. Ние сме врзани со нив. За било каква потреба, за било каква институција , тоа ни е најважно и најголем проблем- Кристина Божиновска Гикова, претседателка на Здружението на глуви и лица со оштетен слух „Млад знак“.