Денешниот ден беше успешен, и помина во фер и демократска атмосфера. Од 07 до 21 часот полицијата добила 151 пријава. 31 од нив биле лажни, односно полицајците оделе на терен, но не било онака како што било пријавено, објасни техничкиот министер за внатрешни работи во Владата, Наќе Чулев по завршувањето на изборниот ден.

Во текот на денот приведени биле вкупно осум лица, четворица за фотографирање, тројца ќе одговараат прекршочно, а кај едно лице биле најдени две гласачки ливчиња.