Нов скандал со ЈСП. На социјалните мрежи се споделуваат видеа во кои контроли во ноќен автобус со број 2, бараат патниците пред се млади луѓе, да платат 50 денари пред да влезат во автобусот
Спроед сведоштвата на млади девојки, се отворало само по една врата од автобусот, со што се создавал и дополнителен метеж, а автобусот стоел на постојките повеќе од 10 минути.
Млади луѓе за Телма велат дека биле сведоци на вакви настани и дека патниците кои морале пред да влезат во автобус да платат по 50 денари, за возврат од лицата кои им се претставиле како контролори не добиле никаква потврда или патен билет. Тие тврдат дека и апаратите за наплата биле исклучени.
Тие велат дека нивните слободни карти како средношколци и студенти им важат 24 часа, иако според предходните правила слободните карти не важеа после полноќ.
Одговор за вакви појави и објаснување за случувањата Телма побара и од директорот на ЈСП, Драги Кушовски, но не добивме одговор.
Останува отворено прашањето како е регулирано плаќањето во ноќните линии за луѓето со месечни билети, дали контролори смеат да наплаќаат во кеш и дали апаратите за наплата биле исклучени.
Во видеото објавено на социјалната платформа ТИК ТОК се гледа како младите луѓе се соочени со овој проблем во доцните ноќни часови и како се создаваат големи гужви на автобуските постојки, бидејќи автобусите губат и по десет минути на една постојка.
@letikon Razbiram deka brakjava sigurno ne se plateni dolgo vreme i zatoa ova go pravat ama da kradesh od srednoshkolci i lugje koi nemaat kako da se vratat doma e nenormalno bratot i pcueshe po deca plus #fyp #foryoupage #fyppppppppppppppppppppppp #makedonija #macedonia #makedonija🇲🇰 #macedonia🇲🇰 #makedonijatiktok #macedoniatiktok #jsp #avtobusi #bus #jspbus #skopje #sredno #srednoskolci #srednkskolo #skolo #avtobus #jspskopje
Инаку, ЈСП во последниот период постојано се соочува со скандали и низа проблеми. Вчера се запали автобус на ЈСП во близина на трговскиот центар Веро Џамбо. Патниците постојано се жалат дека автобусите доцнат, а и вработените неколку пати протестираа и штрајкуваа поради неисплата на нивните плати.
