Се одбележаа 24 години од масакрот врз осумте припадници на безбедносните сили што се случи на 28-ми април 2001-ва година помеѓу селата Селце и Вејце на Шар планина во месноста Бреза.

Почит на загинатите им беше оддадена со едно-минутно молчење, а цвеќе положија делегации на одборот на бранители, Министерството за одбрана, Армијата, МВР, политички партии.

На 28-ми април 2001-ва беа убиени четворица припадници на воената единица „Волци“ и полицајци при СВР Битола, Роберт Петковски, Игор Костески,  Миле Јаневски, Бобан Трајковски, Марјан Божиновски, Илче Стојановски, Бошко Најдовски и Кире Костадиновски.

Од одборот на бранители бараат државата да ги заштити спомен-обележјата на бранителите. Таблата со имињата и фотографиите на убиените кај Вејце, се носат само за одбележување на денот, а потоа се земаат, за како што велат организаторите, да не им се сквернават имињата бидејќи со години наназад таблите се кршат само неколку часа по нивното поставување.

Одборот на бранители бара конечно институциите да се одважат и да направат споменик како што доликува, како и да ги заштитат обележјата.