Денеска повторно има закани за поставени бомби во повеќе скопски средни училишта. Полицијата потврди дека заканите се пријавени откако биле упатени околу 14 часот денеска.

На лице место се врши евакуација на учениците, а во училиштето Никола Карев каде е екипата на Телма се пристигнати и припадници на МВР.

Вчера имаше лажна закана за поставена бомба во 8 средни училишта во Скопје, по што беше извршена евакуација на учениците и наставниот персонал.

Полицијата утврдува од каде е испратен мејлот со заканата, односно се утврдува компјутерската и мрежната ИП адреса на испраќачот кој се потпишал со novaera.mk.

Нови дојави за бомби во средните училишта во Скопје