Денеска околу 14 часот во СВР Скопје е пријавено дека на ул. „Војдан Чернодрински“ на подрачјето на Бит Пазар има пукање од огнено оружје, соопштија од МВР.

Полициски службеници од полициската станица Бит Пазар излегле на местото и било констатирано дека се работи за престрелка меѓу две групи од пет до шест лица, при што едно лице е повредено и е пренесено во Ургентен центар при Комплексот клиники „Мајка Тереза“.

На местото на настанот најдени се повеќе чаури, а оштетени се неколку изложни стакла од продажни објект и околните продавници и неколку паркирани возила, појаснија од МВР.