Грчки државјанин е приведен на граничниот премин „Табановце“ поради давање поткуп, соопшти министерството за внатрешни работи (МВР).

„На 08.04.2025 во 10:05 часот на Граничниот премин „Табановце“, на влез во државата, полициски службеници го лишиле од слобода С.П.П. (40) од Република Грција поради постоење основи на сомнение за сторено кривично дело „давање поткуп“ од член 358, став 1 од Кривичниот законик. Имено, при гранична контрола, тој на увид дал документи за патничко возило „форд“ со германски национални ознаки, кое го управувал и во зелениот картон ставил банкнота од пет евра. По документирање на случајот ќе биде поднесена соодветна пријава“, се вели во соопштението на МВР.