Четири лица, меѓу кои и еден полицаец, загинаа во масовна пукотница во деловна зграда на Парк Авенија во Менхетен. Напаѓачот, 42-годишниот Шејн Тамура од Лас Вегас, влегол во зградата вооружен со автоматска пушка М-4 и отворил оган, при што тешко ранил уште едно лице. По нападот, си го одзел животот на 33-от кат.

Според информациите од градоначалникот Ерик Адамс, Тамура најверојатно дејствувал сам. Во неговото возило биле пронајдени дополнително оружје и лекови, а се претпоставува дека имал ментални проблеми, иако поседувал легална дозвола за оружје во Невада.

Зградата, каде се наоѓаат НФЛ, Блекстоун и КПМГ, била итно евакуирана, а полицијата реагирала со пребарување кат по кат.

36-годишен обезбедувач со потекло од Бангладеш е меѓу жртвите. Нападот предизвика паника меѓу вработените, кои за време на нападот бегале со кренати раце.

Истрагата е во тек, додека градските власти повикаа на засилување на безбедносните мерки и дебата за пристапот до оружје во САД.