Министерот за надворешни работи Тимчо Муцунски се среќава со американскиот државен секретар Марко Рубио. Од Министерството за надворешни велат дека ќе се разговара за актуелни прашања од заеднички интерес, за соработката на билатерално и мултилатерално ниво, како и во рамки на НАТО Алијансата.

Средбата се одржува во Стејт департментот во 9.30 по локално време, односно 15.30 по македонско време. Повеќе информации Министерството за надворешни најавува по завршувањето на средбата.

Претходно во Дејтон, Охајо Муцунски учествуваше на одбележувањето на 30-годишнината од Дејтонскиот договор во рамки на Пролетната сесија на Парламентарното собрание на НАТО.