Новиот врховен лидер на Иран, ајатолахот Моџтаба Хамнеи,  повика на непријателите на неговите нации да им се одземе „безбедноста“, во својата последна порака до јавноста.

Хамнеи ги даде овие забелешки во соопштение издадено во негово име до претседателот Масуд Пезешкијан откако Израел го уби министерот за разузнавање Есмаил Хатиб. Соопштението беше прочитано на државната телевизија ИРИБ.

-Во името на Бога, Најмилостивиот,  Почитуван претседателе, г-дине (Масуд) Пезешкијан. Со ова ви ги упатувам моите честитки и сочувство за маченичката смрт на вредниот министер за разузнавање, долгогодишен неопеан ветеран, Хоџатолеслам Сејед Есмаил Хатиб (нека Бог биде задоволен од него), до вас, вашиот почитуван кабинет, неговите колеги во Министерството за разузнавање, а особено до семејството на починатиот. Несомнено, неговото отсуство треба да се компензира со зголемените напори на другите службеници и персоналот на тоа чувствително министерство, а безбедноста да им се одземе на внатрешните и надворешните непријатели и да им се даде на луѓето во целина. Го молам Семоќниот Бог за ваше понатамошно добробитие и добробитие на вашите колеги и за воздигнување на чинот на овој драг маченик, стои во соопштението од Моџтаба Хамнеи.

Хамнеи не е виден откако беше именуван за врховен лидер, откако неговиот татко, 86-годишниот врховен лидер ајатолахот Али Хамнеи, беше убиен во израелски воздушен напад на првиот ден од војната на 28 февруари.

Се повеќе има коментари од американски и израелски претставници дека Моџтаба Хамнеи бил повреден во војната.