Познатиот американски рокер Дејвид Крозби почина на 81-годишна возраст, тажната вест ја објави неговата сопруга Јејн Денс.

„Иако тој повеќе не е тука со нас, неговата хуманост и љубезна душа ќе продолжат да не водат и инспирираат…“, изјави таа за шоубиз веб-страницата „Варајати“.

Овој пејач и текстописец беше еден од основачите на два од најголемите бендови од 1960-тите – Бирдс и Крозби, Стилс и Неш.

Тој постигна редок подвиг во кариерата – двапати беше примен во Куќата на славните на рокенролот.