Најмалку 21 лице загинаа во бродолом во северниот дел на Судан. Бродот, што сообраќал по Нил и превезувал 30 патници, синоќа потона поради високи бранови.

Спасувачката мисија сè уште трае и се претпоставува дека бројот на жртвите би можел да биде поголем. Бродоломот го преживеаја шест луѓе.

Бродските несреќи се чести во Судан, бидејќи има малку мостови, а Нил, особено во селските подрачја, најчесто се преминува со чамци и бродови.