Најмалку 30 луѓе загинаа, а многумина се повредени во стампедо на најголемиот верски собир во светот, соопшти полицијата, додека милиони аџии брзаа да се потопат во светите води за време на фестивалот Маха Кумб во северна Индија.

Според полицијата 60 повредени се итно пренесени во болници, а дваесет и пет од загинатите се веќе идентификувани.

Денеска беше свет ден на шестнеделниот хинду фестивал, а властите очекуваа рекордни 100 милиони приврзаници да се вклучат во ритуално капење на сливот на Ганг, Јамуна и митските реки Сарасвати. Хиндусите веруваат дека капењето на светото место може да ги исчисти од минатите гревови и да стави крај на процесот на реинкарнација.

Стампедото се случило кога аџиите се обидоа да ги прескокнат барикадите поставени за поворката од свети луѓе.

На индиските власти им беа потребни повеќе од 16 часа за да ги објават бројките за жртвите.

Вознемирени семејства се пред импровизирана болница, очајни за вестите за нивните најблиски кои се водат како исчезнати.

И покрај стампедото и повиците на полицијата, милиони луѓе продолжија да се собираат на аџилакот.